Asociación sen ánimo de lucro para a atención, apoio e acompañamento ás mulleres no proceso de ruptura cos malos tratos, así como traballar pola igualdade entre as persoas.
DOCUMENTAL "CON TU DINERO"
ESTREA EN VIGO DO DOCUMENTAL "CON TU DINERO"
Até que punto a sociedade é consciente do xeito
en que se emprega o seu diñeiro?
As asociacións Fiare Galiza e Amarante Setem en colaboración con Adicae, COOP 57 e AIS O Peto organizan a presentación e proxección do documental "Con tu Dinero" que pretende facer ver algunhas das malas prácticas das entidades bancarias, desde inversións en armas até desfiuzamentos de familias desfavorecidas.
A proxección deste documental contará coa presenza do seu director, Iker Espúñez (que se desplaza a Galiza exclusivamente para estar presente nas sesións).
Neste documental no que non se pretende sentar cátedra, tamén se presentan alternativas ao actual sistema bancario, a través da banca ética e as redes de economía alternativa no que se busca que cada persoa tire as súas propias conclusións.
O documental está producido por MOBIOLAK. Dura cerca de 70 minutos e despois da súa proxección haberá unha charla-coloquio con con Iker Espúñez, membros de Fiare Banca Ética, responsábeis da ONGD Amarante Setem e máis representantes de COOP 57, AIS O Peto e Adicae, e na que poderá participar todo o público asistente.
DATA/LUGAR DA PROXECCIÓN
A entrada será libre até completar aforo.
Proxección do documental. En Vigo o documental proxectarase o mércores 17 de Abril ás 19:30 horas no Centro Cívico de Teis, Camiño Maceiras s/n.
Participantes:
Iker Espúñez: director do documental.
Fiare banca ética: Manual Adame.
COOP 57 Galiza: Teresa Balado.
Amarante Setem: Xosé Luís Riveiro.
Adicae: Iria Aguete
AIS O Peto: Raquel Doallo
SINOPSE
Este documental pretende reflexar as prácticas financeiras alternativas á banca
convencional que podemos atopar na actualidade no estado español.
A crise, motivada en grande parte por prácticas bancarias de dubidosa legalidade, abriu na sociedade un debate sobre a forma na que tanto os bancos como as caixas de aforros xestionan o diñeiro que depositan os/as seus/súas clientes/as. Até qué punto a sociedade é consciente da forma en que se emprega o seu diñeiro?
Suscribirse a:
Entradas (Atom)