CELEBRACIÓN 20 ANIVERSARIO DO CONSELLO MUNICIPAL DA MULLER


Co motivo da celebración dos seus 20 anos de andaina, o Consello Municipal da Muller de Vigo, en
colaboración coa Concellería de Igualdade, organiza un programa de actos que se desenvolverán o luns, 2 de decembro.

PLENO ESPECÍFICO DO CONSELLO MUNICIPAL DA MULLER
Data: 2 de decembro ás 10,00 h
Lugar: Salón de Plenos.

INAUGURACIÓN DA EXPOSICIÓN “20 ANOS DE HISTORIA DO CONSELLO MUNICIPAL
DA MULLER DE VIGO”


MESA REDONDA “20 ANOS DE HISTORIA DO CONSELLO MUNICIPAL DA MULLER DE
VIGO”
Data: luns, 2 de decembro ás 19,00 h
Lugar: Casa Galega da Cultura

Treinta muñecos amortajados ante el Marco simbolizan el drama del maltrato La Marcha Mundial das Mulleres protesta por las desapariciones y muertes por machismo

http://www.lavozdegalicia.es/noticia/vigo/2013/11/23/treinta-munecos-tumbados-bajo-mortajas-ante-marco-escenifican-malos-tratos/0003_2013111385230492515331.htm#.UpHapJ0WE90.facebook

A Secretaría das Mulleres do SLG chama a atención sobre as especificidades da violencia contra as mulleres do rural

  • O fracaso na aplicación da Lei de Titularidade Compartida, con 2 altas en toda Galiza, ou a reforma das pensións, deixan a miles de labregas indefensas diante da violencia de xénero
  • A responsable da Secretaría das Mulleres do SLG, María Ferreiro Santos, abordará esta problemática nun ciclo de charlas que terá lugar o 25 de novembro en Vilalba (Lugo)
Un ano máis vemos como a suma continúa. Dende que comezaron as estatísticas sobre violencia de xénero no ano 2003, e até 2012, foron asasinadas 652 mulleres a man das súas parellas ou ex-parellas sentimentais. Neste 25 de novembro de 2013, Día Internacional contra a Violencia de Xénero, observamos con gran preocupación o incremento de comportamentos violentos en franxas de idade cada vez máis baixas.
Dende a Secretaría das Mulleres do Sindicato Labrego Galego, facemos un chamamento ás administracións públicas, e á sociedade no seu conxunto, para rematar coa maior lacra social que temos na actualidade. Cómpre, dunha vez por todas, adoptar as medidas necesarias para atallar este problema, posto que unha sociedade que se di democrática non pode consentir esta situación. Son moitas as campañas e actos que ao redor deste día estamos a ver e escoitar nos medios de comunicación, pero esta loita contra a violencia machista ten que ser continua, xa que é un problema que afecta á sociedade no seu conxunto.
Existen toda unha serie de desigualdades e de violencias consentidas coas que nos afacemos a vivir: na educación, nos medios de comunicación ou nos videoxogos, por citar uns casos, séguense a promover roles completamente diferenciados para mulleres e homes e, decotío, cunha grande carga de violencia na consecución dos resultados.
A falla de dereitos propios e de autonomía económica fai que moitas mulleres tamén sexan moi vulnerables ante as situacións de violencia. Isto agrávase no medio rural para as mulleres que se dedican á profesión agraria. Para a Secretaría das Mulleres do SLG é fundamental que a Lei de Titularidade Compartida non quede só nun texto aprobado e publicado no BOE. Os datos facilitados polo Ministerio de Medio Rural, en setembro de 2013, reflectían que no Estado Español o número de solicitudes de titularidade compartida foi de 52. Na Galiza, as solicitudes limitáronse a 2. Dende a Secretaría das Mulleres do SLG esiximos do Goberno medidas, recursos e un serio compromiso cos dereitos das mulleres labregas, moitas das cales, a día de hoxe, seguen a ser consideradas como “axuda familiar”.
Nesta conxuntura de recortes, de desmantelamento de moitos servizos públicos no rural, asistimos a unha cada vez maior feminización da pobreza. Cando se eliminan recursos, estase a incrementar a precariedade de vida das mulleres. Non queremos deixar de nomear neste día o que para as mulleres labregas supón a reforma da Lei de Pensións. As estadísticas reflicten que moitas labregas non cotizan ou que comezan a facelo a unha idade avanzada.
Dende a Secretaría das Mulleres do SLG pensamos que facer políticas axeitadas para o medio rural e xerar riqueza e emprego debe ser un dos camiños para a solución. Afirmamos que é de xustiza dispor dos recursos axeitados para vivir dignamente, con independencia de que vivamos no medio rural ou nos centros urbanos.
Neste 25 de novembro, a Secretaría das Mulleres do SLG participará, a través da súa coordinadora, María Ferreiro Santos, nun acto na casa de cultura de Vilalba Vilalba ao redor da violencia de xénero. Comezará ás 18:30 e, mentres María Ferreiro Santos falará sobre a violencia de xénero no rural; a xuíza Estela San José Asensio fará outro tanto sobre “A Violencia de xénero e a independencia da muller” (achégase cartaz da convocatoria).
Se desexan máis información, poden contactar coa responsable da Secretaría das Mulleres do SLG, María Ferreiro Santos, no 660 215 346

Actos polo 25 de novembro, día internacional contra a violencia de xénero

A Marcha Mundial das Mulleres convócavos a participar nunha acción de denuncia da Violencia Machista o sábado 23 a partir das 18:00 horas, nas inmediacións do Museo de Arte Contemporáneo de Vigo.
Tamén convidarvos a que participedes na manifestación do 25N, Día Internacional contra a Violencia de Xénero que sairá dende a Farola de Urzáiz as 20:00 horas.


ENLAZAVIGO CONTRA A VIOLENCIA DE XÉNERO
Organiza: Concellería de Igualdade e Consello Municipal da Muller 
Co gallo do vindeiro 25 de Novembro, Día Internacional contra a Violencia de Xénero, o Consello Municipal da Muller e a Concellería de Igualdade de Vigo volvemos poñer en marcha a iniciativa Enlaza Vigo, para reflectir o compromiso real do conxunto da cidadanía no combate do terrorismo machista.

Desde o ano 2003, ano no que se comezan a realizar oficialmente estatísticas sobre a Violencia de xénero, ata o día de hoxe, máis de 702 mulleres foron asasinadas, só en España, a mans das súas parellas ou exparellas (fonte: Ministerio de Sanidade, Servizos Sociais e Igualdade).

Tralo éxito de participación acadado nas pasadas edicións, Vigo volverá, o luns 25 de novembro, a condenar na rúa a violencia de xénero e cantas actitudes e comportamentos machistas encerra, coa formación dun gran tapiz humano.


ACTIVIDADES:

.- Exposición colectiva contra a Violencia de Xénero realizada polo alumnado de secundaria de 29 centros de ensino da cidade.

Rúa do Príncipe, diante do MARCO
As persoas que estean interesadas poden visitar esta mostra que reflicte o compromiso do estudiantado da cidade na loita contra a violencia que se exerce sobre as mulleres desdeo día 21 ao 27 de novembro, de xeito ininterrumpido de 10:00 a 20:00h.

.- Creación dun tapiz humano contra a violencia de xénero
Luns, 25 de novembro ás 12.00. Punto de encontro: farola de Urzáiz

O tramo da rúa Urzáiz comprendido entre a Farola e a rúa República Arxentina será o escenario, o vindeiro luns 25 de novembro, da formación dun gran tapiz humano.

Para participar na formación do tapiz convidouse aos institutos de secundaria da cidade e teñen confirmada a presencia 22 institutos e máis de 1500 alumnos e alumnas.
Desde a chegada do alumnado ao punto de encontro (10,30h) ata a formación do tapiz (12,00h) participarán dun xeito activo en diversas actividades lúdicas e reivindicativas que reflicten as distintas expresións artísticas e deportivas que practica a mocidade: exhibicións de malabares, parkour, breakdance, baile moderno e regueifas-rap, ademais de visitar a exposición colectiva.

A organización convida a todas a cidadanía a participar nos actos desta campaña: visitando a exposición e/ou sumándose á participación do alumnado acudindo o luns, 25 de novembro pola mañá á formación do tapiz humano.


Folleto co programa en arquivo adxunto

Agardamos que esta información sexa do voso interese e agradecemos a súa difusión entre os vosos contactos


Obtén mais información e segue as nosas novas en: www.enlazavigo.com

Xornadas a prol da igualdade



Andaina contra a violencia de xénero "Camiño ao Respecto"

http://igualdade.xunta.es/gl/eventos/andaina-contra-violencia-de-xenero-camino-ao-respecto

Exposición mulleres baixo sospeita

Lembrámosvos que ata o día 30 de novembro pódese visitar a 

Exposición


        MULLERES BAIXO SOSPEITA.
MEMORIA E SEXUALIDADE (1939-1980)

O Concello de Vigo e a Universidade de Vigo a través dos seus correspondentes departamentos de Igualdade, organizan a exposición Mujeres bajo sospecha. Memoria y sexualidad (1930-1980), comisariada por Raquel Osborne e María Rosón, que acollerá ata o 30 de novembro a primeira planta da Casa das Artes.

A autora de «Cásate y sé sumisa» nega que o libro promova a violencia de xénero


http://www.lavozdegalicia.es/noticia/sociedad/2013/11/13/autora-casate-se-sumisa-niega-libro-promueva-violencia-genero/00031384354214633169580.htm

Dalle unha puñada á súa expareja en Vigo tras deixar de convivir xuntos

http://www.lavozdegalicia.es/noticia/vigo/2013/11/11/da-punetazo-expareja-vigo-tras-dejar-convivir-juntos/00031384161902029138346.htm

Detido un home tras precipitarse a súa parella desde un segundo piso en Pontevedra

http://www.lavozdegalicia.es/noticia/pontevedra/2013/11/06/detenido-hombre-tras-precipitarse-mujer-segundo-piso-pontevedra/00031383735445044399696.htm

Atopan en Málaga a unha muller apuñalada despois de que a súa parella suicidásese

http://www.lavozdegalicia.es/noticia/espana/2013/11/06/hallan-malaga-mujer-apunalada-despues-pareja-suicidara/00031383728355401970769.htm

Detido por agredir e ameazar á súa muller na súa casa en Vigo

http://www.lavozdegalicia.es/noticia/vigo/2013/11/05/detenido-agredir-amenazar-mujer-casa-vigo/00031383641261736248785.htm

Insulta á súa parella nun bar e logo agredea na rúa e na súa casa de Vigo

http://www.lavozdegalicia.es/noticia/galicia/2013/11/03/insulta-pareja-bar-agrede-calle-casa-vigo/0003_201311G3P6993.htm

A prostitución faise máis invisible

http://www.lavozdegalicia.es/noticia/vigo/2013/11/03/prostitucion-invisible/0003_201311V3C19913.htm

Hoxe ás 19.00 na Casa da Cultura Galega

A Concellería de Igualdade  lembra que o martes, 12 de novembro ás 19,00 horas terá lugar a Charla Coloquio: "Enredámonos nas redes...?. As ciberviolencias e os controis das redes sociais" no Salón de Actos da Casa Galega da Cultura ( praza da Princesa, 2)

O obxectivo xeral é previr entre a mocidade a violencia de xénero na utilización das redes sociais. 

Esta actividade é complementaria aos obradoiros que a mesma relatora impartirá durante  tres días no auditorio municipal en sesións escolares, dirixidas a alumnado de secundaria.
Para as sesión escolares xa temos confirmada a asistencia de máis de 1000 alumn@s de secundaria, se ben, a concellería de Igualdade valora convinte programar unha actividade coa mesma formadora, que, a través dunha charla coloquio, poida informar a todas as persoas interesadas sobre o mal uso que ás veces a mocidade pode facer das redes sociais. 


·                         Como empregan as rapazas e os rapaces as redes sociais. Análise dos riscos aos que están expostos.
·                         Que significa ser acosada/acosado polas redes.
·                         Como se manifesta a violencia sexista a través das redes. Exemplos de ciberviolencias.
·                         A utilización das novas tecnoloxías en igualdade como medio para educar en igualdade.
·                         Boas prácticas para o emprego dunha linguaxe axeitada que favoreza unha boa comunicación, sen nos enredar...!
A relatora será IANIRE ESTÉBAÑEZ CASTAÑO, psicóloga especialista en violencia de xénero na xuventude e autora do blog "mi novio me controla... lo normal".

Entrada libre ata completar aforo. Non se require inscrición previa.

Acechadas por whassap

http://www.hoy.es/v/20131020/sociedad/acechadas-whatsapp-20131020.html

Formación para mulleres

O Proxecto CEDIM ofréceche unha formación gratuíta e eminentemente práctica dirixida á activación laboral e mellora da empregabilidade.

a oferta formativa ten unha duración total de 40 horas que serán impartidas en 8 sesións de 5 horas: catro sesións en horario de mañá (de 09h30 a 14h30) e catro en horario de tarde (de 16h00 a 21h00) e organízase en dous módulos:

- Formación en detección de oportunidades de emprego.
- Formación en mellora das habilidades sociais e comunicativas.

Todas as persoas que participen recibirán un diploma acreditativo da formación realizada.

I Congreso Nacional de Intervención e Prevención da Violencia de Xénero





http://congresovxsantiago.com/

Máis violencia contra as mulleres...

- Sevilla: Apuñala a súa parella e a unha nena de 14 anos
http://www.farodevigo.es/sucesos/2013/11/08/apunala-pareja-nina-arroja-ventana/910719.html


CONCURSO DE MICRORELATOS POLO DÍA DA ERRADICACIÓN DA VIOLENCIA DE XÉNERO

Dende a Asociación Fins, e con motivo do día pola erradicación da violencia de xénero (25 de novembro) ten lugar un concurso literario de microrelatos, estes deben  versar sobre as violencias sufridas polas mulleres, as formas de erradicalas, ou sobre a sensibilización e concienciación que se debe realizar na sociedade. Por iso anímovos a participar escribindo un relato dun minuto de duración. O sábado 23 terá lugar a entrega dos premios, e poderemos disfrutar da representación teatral da Asociación Juan XXIII de Cangas, coa obra "Emocións en movemento" e da lectura dun manifestó en contra de todo tipo de violencia exercida en contra das mulleres. Agardamos por ti ese día.

+ info: asociacionfins@gmail.com
         

XII Xornada de nais e pais educando en igualdade

Baixo o título“Cidadanía e convivencia dixital” o vindeiro sábado día 16 de novembro celebrarase nas instalacións da Escola Galega de Administración Pública en Santiago de Compostela, a duodécima edición da xornada de nais e pais educando en igualdade, que nesta ocasión se dirixe a promover no ámbito familiar o uso seguro e saudable das novas tecnoloxías na infancia e a adolescencia e á prevención da violencia sexual en adolescentes e dos comportamentos machistas e sexistas nos novos medios de socialización e convivencia dixital.
XII Xornada de nais e pais educando en igualdade. Cidadanía e convivencia dixital
Lugar: Escola Galega de Administración Pública, Santiago de Compostela
16 de Novembro de 2013
A xornada consta de sesións informativas dirixidas ás nais e pais e, paralelamente, de obradoiros de carácter lúdico e adaptados á súa idade onde nenos, nenas e adolescentes irán coñecendo baixo parámetros de igualdade e a través de videoxogos, animacións e outros recursos educativos, algunhas características do mundo que como nativos/as dixitais lles está tocando descubrir, así como os riscos e responsabilidades asociados a determinadas prácticas que se poden desenvolver online (sexting, sextorsión, grooming, ciberbullying...).
O aforo é limitado polo que as inscricións se farán por rigorosa orde de entrada da solicitude de participación.

A Xunta amplía as axudas económicas a vítimas de violencia de xénero previstas para este ano

A PESARES DO INCREMENTO DE CRÉDITO ÉSTE NON CHEGARÁ PARA CUBRIR TODAS AS SOLICITUDES, POLO QUE MOITAS MULLERES CON DEREITO A RECIBILA QUEDARÁN SEN ELA.


Santiago, 6 de novembro de 2013. A edición de hoxe do Diario Oficial de Galicia publica un incremento de 155.061,33 euros na dotación orzamentaria asinada para a concesión de axudas económicas de carácter periódico de apoio ás mulleres que sofren violencia de xénero.
Esta ampliación súmase aos 1,8 millóns de euros xa consignados en abril pasado co fin de garantir ás mulleres vítimas deste tipo de violencia unhas condicións suficientes de independencia económica respecto do seu agresor, que lles posibilite dar o primeiro paso ou consolidar a ruptura dunha situación na que corren perigo.
Dado o volume de solicitudes presentadas e o esgotamento do crédito inicialmente previsto, a Xunta decidiu ampliar a partida para atender este colectivo. Deste xeito, e a pesar do contexto económico actual, o Goberno galego reafirma o seu compromiso coas vítimas da violencia de xénero, ás que lle ofrece os recursos necesarios para favorecer a súa saída do ciclo da violencia.
Os requisitos para optar a estas axudas son: ser muller, maior de idade ou emancipada, vítima de violencia de xénero nunha relación de convivencia, ter cesado esta convivencia co agresor dentro dos doce meses anteriores á data de presentación da solicitude, percibir uns ingresos mensuais iguais ou inferiores a 1,5 veces o IPREM vixente, estar empadroada e residir en Galicia e, no caso das mulleres estranxeiras, ter permiso de residencia.
Ademais, tamén se esixe non ter percibido con anterioridade esta axuda ou a axuda de pago único establecida na Lei orgánica de medidas de protección integral contra a violencia de xénero, para mulleres que, debido á súa idade, falta de preparación ou circunstancias sociais, teñan dificultades para obter un emprego e pola dita circunstancia non participen nos programas de emprego establecidos para a súa inserción profesional.

Pola universalidade da sanidade.




Nin unha soa persoa morta por falta de recursos.
A aprobación por parte do Goberno do Estado dunha resolución pola que os/as pacientes crónicos/as teñen
que afrontar o copagamento das medicinas que lles dispensan na farmacia dos centros hospitalarios significa
cruzar todas as liñas vermellas da sanidade. Con esta medida cobraranse medicamentos como Afinitor ou
Tyverb empregados en cancros de mama, ou Votrient ou Temodal para o tratamento de cancro de ril e
tumores cerebrais respectivamente, así como outras medicacións para a leucemia mieloide crónica, o
tratamento de tumores malignos resecábeis e/ou metastásicos do estroma gastrointestinal (GIST), a artrite
reumatoide, a dexeneración macular ou a hepatite C crónica. Falamos de até 157 presentacións
farmacolóxicas de pouco máis de 50 medicamentos que, segundo sinala o BOE, cumpren coas condicións
para seren considerados de achega reducida, ao se tratar de medicamentos de eleccións de enfermidades
graves ou crónicas, e estar limitada a súa distribución a pacientes non hospitalizados/as nos servizos de
farmacia dos hospitais.
A resolución de que estamos a falar fixa unha achega da persoa usuaria para estes medicamentos, que
estaban exentos do copagamento, nun 10 por cento do seu prezo, cun máximo actualmente de 4,20 euros,
conforme á Resolución do 21 de xaneiro da Dirección Xeral da Carteira Básica de Servizos do Sistema
Nacional de Saúde. Isto significa que se o medicamento custa 30 euros, a contribución será de 3 euros, mais
se o medicamento custa 100 euros a achega non poderá superar os 4,20 euros. Non hai dúbida que este novo
repagamento, este novo imposto á enfermidade, supón unha carga moi importante na economía de moita
xente desfavorecida, persoas que xa non son quen de chegar a fin de mes e outras que xa nin comezan o mes,
unha medida que vai significar o sacrificio e o sufrimento para moitas persoas e que só podemos tratar de
indigna, inhumana, inxusta, para alén de retratar un goberno que actúa ao servizo do poder económico.
Velaquí un novo roubo que forma parte dunha estratexia deseñada para facer caixa a costa das persoas máis
desfavorecidas.
As persoas, organizacións políticas e sindicais, colexios profesionais e colectivos sociais que apoiamos este
manifesto non imos dar por bo unha resolución que deixa fóra do dereito a saúde a homes e mulleres en
función do seu poder adquisitivo, que non se xustifica mesmo desde a perspectiva do aforro para os
orzamentos públicos, que non garante que a sanidade en Galiza vaia continuar a ser universal e gratuíta, pois
significa, de facto, a ruptura con todas as liñas vermellas que garantían a universalidade da sanidade. Non
hai, en definitiva, máis camiño que, primeiramente, instar o presidente da Xunta de Galiza a que paralice a
entrada en vigor da Resolución do 10 de setembro de 2013, da Dirección Xeral da Carteira Básica de
Servizos do Sistema Nacional de Saúde e Farmacia, pola que se procede a modificar as condicións de
financiamento de medicamentos incluídos na prestación farmacéutica do Sistema Nacional de Saúde
mediante a asignación de contribución da persoa usuaria e, na mesma liña, demandar do Goberno do Estado
a derrogación da resolución recollida no BOE do 10 de setembro que estabelece a obrigatoriedade da achega
do/a usuario/a para as patoloxías e a carteira de medicamentos fixadas na referida resolución.



Iniciativa galega pola gratuidade da sanidade

Teatro as do peixe no Museo do Mar

Obra de teatro que quere ser unha homenaxe á "memoria das traballadoras da conserva", escrita por Cándido Pazó, dirixida por Cristina Domínguez e que cuxo elenco de actrices o forma Casilda Alfaro, Mónica Camaño, Susana Dans e Orballo González. A escenografía corre a cargo de Carlos Alonso.
Premio do público na Mostra Internacional de Teatro de Ribadavia ano 2013, esta obra fala de catro mulleres, ex-traballadoras dunha desaparecida fábrica de conservas, que acoden a un “taller da memoria” e, ao tempo que reconstrúen parte da súa experiencia na fábrica, rememoran pasaxes da súa vida persoal e familiar, comentan aspectos da actualidade e expresan as súas ilusións ou desconfianzas no futuro.

Detido por agredir e ameazar a súa muller na súa casa en Vigo

http://www.lavozdegalicia.es/noticia/vigo/2013/11/05/detenido-agredir-amenazar-mujer-casa-vigo/00031383641261736248785.htm