COMUNICADO

A Asociación Rede de Mulleres Veciñais Contra os Malos Tratos de Vigo, quere amosar o seu estupor a máis da súa disconformidade coa sentenza do xulgado número 5 de Vigo(família) que otorga a custodia ao pai da menor de 9 anos que leva case un ano nun centro de acollida, sentenza da que se fixeron eco diversos médios de comunicación
Cremos que a devandita sentenza está moi lonxe da salvaguardar os dereitos da menor para que poida vivir a súa infancia dun xeito digno e pola contra semella estar inspirada no síndrome de alineación parental un instrumento pseudo-cientifico que vulnera os dereitos humanos de nenos e nenas e castiga as nais que pretenden protexelos.
Neste procedemento non se tiveron en conta os informes presentados así como as declaracións de profesionais da saúde en sentido contrario ao fallo xudicial e tampouco unha sentenza anterior favorable á proxenitora.
Tamén queremos amosar a nosa preocupación polo futuro da menor que a tan curta idade viviú unha experiencia tan traumática, nuns tempos no que se nos pretende transmitir a preocupación dos gobernos e da xustiza por protexer a infancia. Pero, unha vez máis todo queda nunha apariencia.