Campamentos de Verán para persoas con discapacidade 2014

Obxecto:

Procura a integración social de rapaces/as con discapacidade mediante a súa participación nos campamentos de verán e campos de traballo a través de quendas de integración, así como a súa participación en quendas específicas.

Persoas destinatarias:

As que teñan recoñecida a condición de persoa con discapacidade, cun grao igual ou superior ao 33%, e unha idade comprendida entre os 11 e os 40 anos, segundo se indica en cada unha das quendas.

Requisitos:

Ter recoñecida unha discapacidade igual ou superior ao 33%.

Ter unha idade comprendida entre os 11 e os 40 anos. Ter cumprida a idade mínima ao inicio da quenda e non superar a idade máxima á súa finalización.

Estar empadroado nalgún concello de Galicia.

Non presentar trastornos que poidan alterar a convivencia durante o transcurso  da actividade.

Ter unha capacidade mínima de comunicación e de participación nas actividades que se van desenvolver.

Ter unha mobilidade acorde coas características da instalación que se solicita.

Campamentos quendas específicas

Prezo: 125 €.

O importe a pagar pódese reducir nun 50% no caso de que a persoa con discapacidade teña a condición de familia numerosa e nun 25% se ten o carné  xove. Estes descontos non serán acumulables en ningún caso.

Ficha Aspanas Termal

Ficha campo de traballo de Vilarbo

Ficha albergue xuvenil de Gandarío

Ficha residencia de tempo libre de Panxón

Adxudicación:

A adxudicación farase tendo en conta as seguintes prioridades:

As persoas que non participaran en anos anteriores.

Residan habitualmente no domicilio familiar fronte ás que están acollidas en centros residenciais.

Pola súa idade, este sería o último ano que poderían participar nun campamento deste tipo.

No caso de empate a adxudicación farase por sorteo.

Documentación:

Solicitude para os Campamentos de verán 2014

Informe médico para os Campamentos de verán 2014

Copia do carné de familia numerosa ou do carné xove, segundo proceda, no caso de acollerse a algunha destas condicións.

Unha fotografía tamaño carné.

Os participantes seleccionados deberán comunicar no prazo máximo de 15 días naturais, contados desde o seguinte ao da recepción da notificación e antes do inicio da quenda a aceptación da praza e presentar:

Xustificante de pagamento do importe que se lle indique, debendo figurar o nome da persoa, instalación e datas elixidas.

Copia da tarxeta sanitaria ou do seguro médico privado e informe médico actualizado.

Lugar de presentación:

Servizo de Prevención da Dependencia da Secretaría Xeral de Política Social  Consellería de Traballo e Benestar

Prazo de presentación:

Ata o 21 de xuño de 2014

Máis información: teléfono social 900 333 666 | web da Consellería de Traballo e Benestar