http://economia.elpais.com/economia/2014/05/23/actualidad/1400844636_477693.html
Asociación sen ánimo de lucro para a atención, apoio e acompañamento ás mulleres no proceso de ruptura cos malos tratos, así como traballar pola igualdade entre as persoas.
Concentración
Como ven sendo habitual,
a asociación Rede de Mulleres Veciñais
contra os Malos Tratos de Vigo convoca á concentración que terá lugar o
vindeiro xoves día 29 de maio ás 20:00 h na Rúa Príncipe, diante do Museo de Arte Contemporánea (MARCO), como mostra de repulsa da violencia
machista en todas as súas manifestacións.
Dende a Rede seguimos a denunciar a morte das mulleres, que no que vai de
ano xa son 34.
Nesta ocasión contaremos coa presencia do actor Manuel Botana do grupo, Fulano,
Mengano e Citano que leerá o comunicado en mostra de
solidariedade coas mulleres que sofren a máis despiadada manifestación do
machismo, a violencia de xénero.
Agardamos contar con todas e todos vós, para que
se escoite a voz de todos os sectores sociais contra a lacra intolerable da
violencia contra as mulleres.
Agradeceríamos
a súa difusión e asistencia.
O 16 de xuño cúmprese un ano de que sumándonos á loita das
nosas irmás feministas do resto de territorios do Estado e do mundo fixemos un
chamado á mobilización cidadá para esixir respecto aos dereitos sexuais e
reprodutivos das mulleres así como para afirmar que non permitiremos que a lei
actual de saúde sexual e reprodutiva e da interrupción voluntaria do embarazo
se reforme de modo restritivo e a nosa defensa do aborto libre e do dereito a
decidir.
O 15 de Xuño nas rúas Vigo amosaremos unha vez máis a nosa
unidade, a enerxía e a forza de todas as mulleres, e a solidaridade da
sociedade galega na defensa dos nosos dereitos.
Berraremoslles ao Partido Popular e ao Señor Feijoo máis
unha vez que non imos a parar, que continuamos UNIDAS E EN PÉ NA DEFENSA DOS NOSOS
DEREITOS!!!
Manifestación
- 11:30 Concentrámonos na Estación de Tren mentres agardamos polas mulleres que veñen de fóra de Vigo.
- 12:00 Manifestación que terá o seguinte percorrido: Areal > Concepción Areal > Montero Ríos > Cánovas del Castillo > Carral > Bamboa > Gamboa > Oliva > Palma> Triunfo > Praza da Constitución > Praza do Sereo.
- 13:00 Lectura do manifesto na Praza do Sereo.
- 13:30 Asemblea aberta.
Festa
- 14:30 Xantar colectivo na Praza do Pobo Galego onde haberá taburetes para xantar, e un espazo para o descanso.
- 15:30: No esceario da Praza do Sereo comezarán as actuacións e contaremos con música até as 18:00 horas. En breve poremos o programa con todas as actuacións mais para que vaiades abrindo boca…
- Isabel Risco como mestra de cerimonias
- Habelas Hainas
- Sacha na Horta
Romaría Lilá
- 13:00 Abriranse as mesas con materiais feministas, de venda de artesanía, libros, comida e bebida. As mesas estarán colocadas desde a Rúa do Príncipe até a Praza do Pobo, ao carón da rúa Doutor Cadaval (detrás da Praza do Sereo).
28 de MAIO Día Internacional dos Dereitos Sexuais e Reprodutivos.
A Cordenadora Local da Marcha Mundial das Mulleres de Vigo
convídavos á acción conmemorativa do 28 de MAIO que consistirá na elaboración
dun maio reivindicativo dos nosos dereitos sexuais e reprodutivos na rúa
lateral ao MARCO a partir das 17 horas.
As mulleres da Marcha Mundial das Mulheres estamos en loita
pola nosa autonomía, noso direito a vivir libremente a nosa sexualidade e por
unha transformación radical da sociedade
Imos mudar o mundo e mudar a vida das mulleres
Somos mulleres e non mercadoria !!
Mulleres e nenas sufren según o contexto cultural,
relixioso, económico, político existente onde lles toque nacer: mutilacións
xenitais, casamentos forzados, trafico de persoas, escravitude sexual,
violacións por parte do conxuge, lapidación por ter relacións sexuais fora do
matrimonio, obriga de casarse co seu violador, condena a prisión para aquelas
mulleres que decidan abortar se sobreviven a un aborto clandestino, repudio de
viuvas por consideralas que traen mala xorte, mulleres e nenas utilizadas como
arma de guerra coa intención de repudiar e destruir ao grupo ao cal pertence ou
facer unha limpeza étnica, a homosexualidade condenada a pena de morte,
negación ao dereito a uso de anticonceptivos....e moitas máis situacións que se
dan en contra do noso dereito a ter unha sexualidade sá, libre, sen coaccións.
Suscribirse a:
Entradas (Atom)