VIDEO MANIFESTACIÓN

neste enlace tedes o video da manifestación polo 25 de novembro. GRAZAS A TODAS AS PERSOAS QUE ASISTÍSTEDES! A VIOLENCIA DE XÉNERO COMBÁTESE ENTRE TODAS E TODOS

COMUNICADO POLO 25 DE NOVEMBRO

MARCHA MUNDIAL DAS MULLERES Día Internacional contra a Violencia Machista 25 de novembro de 2011 “PARA CAMBIAR O MUNDO, ACABAR COA VIOLENCIA MACHISTA” Dise do Feminismo que é a revolución silenciosa do século XX. Mais non podemos dar a razón a quen afirma que esta é unha revolución sen sangue. Neste novo século, como no anterior, esta revolución segue a engrosar a súa listaxe de mártires. Desde a dereita política, mediática e relixiosa, fálase dunha perda dos valores da familia. E así é. O seu modelo de familia está en crise. Cada dia mais persoas aspiran a modelos de convivencia e afecto, máis democráticos que o seu modelo patriarcal. Cada dia mais mulleres e mais homes aceptan outros valores de convivencia: a igualdade, a corresponsabilidade, a cultura do diálogo, dos acordos... Mais tamén quedan moitos homes, organizacións políticas, relixiosas e sociais, que se resisten ao cambio. A pandemia da resistencia machista mostra repuntes no poder xudicial ( actuacións en Sevilla e Murcia), no poder político (Lei da Familia do Parlamento Galego), nas institucións académicas (teoría do Síndrome da Alienación Parental), nas educativas (louvanzas á segregación por sexos), nas relixiosas (carta pastoral do bispo de Granada)... mentres se vai conformando un cambio político e económico que está levando aparellado unha perda importante de dereitos fundamentais, e un ataque sen precedentes aos servizos públicos, que en moitas ocasións aseguraban o exercicio deses dereitos. Un cambio político cuxos protagonistas aspiran a abolir leis que supuxeron logros importantes na vida de moitas mulleres e homes, a Lei de Igualdade, a Lei Integral contra a Violencia Machista, a Lei do Aborto, as reformas no Código Civil que igualan en dereitos ás persoas sen distinción da súa opción sexual. O sistema económico, que nestes dous últimos anos acelerou a súa voracidade engulindo recursos públicos e impoñendo un modelo social de competitividade, acumulación e usura, impón ao poder político, recortar e abolir todas aquelas políticas de igualdade encamiñadas a previr a violencia machista, á atención ás vítimas e á concienciación da sociedade. Políticas que desde o Feminismo avaliabamos como insuficientes, pero que marcaban o camiño que había que encetar para conseguir arrincar o machismo das nosas vidas. Cada día, diante do asasinato dunha muller a mans do seu ex marido, ou do seu compañeiro, as autoridades condenan os feitos, a veciñanza manifestase rexeitando a agresión e pedindo xustiza, preguntándose por que continua engrosándose esta tráxica lista de mulleres vítimas da violencia machista. Un feminicidio que vai marcando cada dia mais aldeas, vilas e cidades, no mapa dos asasinatos machistas. As mortes por violencia machista, por moi inexplicables que parezan, non son actos illados, fortuítos, senón que obedecen a unha cultura patriarcal no que as mulleres non teñen dereito a decidir sobre a súa vida. Son a reacción violenta de quen se cree posuidor dun ben, dunha propiedade, ou dunha escrava. A solución non é doada e necesita do compromiso de todos e de todas, porque precisa de cambios profundos dado que o machismo está enraizado na nosa sociedade e non estamos facendo o preciso para desbotalo. Ao feminismo non nos asusta continuar coa nosa responsabilidade e activismo na loita contra a violencia machista...non queremos que se volva ao pensamento de que a violencia machista son “os trapos sucios que hai que lavar na casa”. Queremos concienciar sobre as estruturas sociais que alimentan e reproducen o machismo. Queremos deixar claros os vínculos que existen entre a desigualdade e a violencia machista. Queremos facer reaxir á sociedade ante a perda de dereitos e ante o desmantelamento de servizos públicos. EN NOME DE TODAS AS MULLERES ASASINADAS CANDO PRETENDIAN RECONQUISTAR A SÚA PROPIA VIDA E POR TODAS ÁS QUE ESTAMOS A SUFRIR VIOLENCIA NON PODEMOS CONSENTIR NINGÚN PASO ATRAS. 25 DE NOVEMBRO DE 2011 A Marcha Mundial das Mulleres convida a participar nos actos programados en Vigo, polo Día Internacional contra a Violencia Machista baixo o lema: “PARA CAMBIAR O MUNDO, ACABAR COA VIOLENCIA MACHISTA” Vigo Xoves 24 e venres 25 de novembro "Museo interactivo contra a violencia machista". Diante do Marco. 25 de novembro de 2011, venres às 20:00 h. Manifestación desde a Farola de Urzáiz Agradecemos de antemán a difusión da convocatoria. Saúdos feministas!!

CONCENTRACIÓN MENSUAL

boa tarde, con motivo do día 25 de novembro, día internacional contra a violencia de xénero, a Rede non realizará a concentración mensual do último xoves de mes diante do museo MARCO. estaremos o venres, día 25, na manifestación contra a violencia de xénero que sae dende a farola de Príncipe ás 20.00. agardamos contar con todas e todos vós. unha aperta.

MANIFESTACIÓN POLO 25 DE NOVEMBRO

25 DE NOVEMBRO DÍA INTERNACIONAL CONTRA A VIOLENCIA DE XÉNERO AGARDÁMOSVOS ÁS 20.00 NA FAROLA DA RÚA PRÍNCIPE

MESAS INFORMATIVAS 2011

As mesas informativas acercan á cidadanía a problemática da violencia de xénero, ofrecendo información sobre os aspectos máis importantes que se producen no maltrato, visibilizando o traballo que está a realizar a Rede E as actividades que estamos levando a cabo e ofrecendo unha guía de recursos e de servizos para unha información cercana e unha participación activa de toda a cidadanía. DATAS 22/11/11: paseo do calvario 23 e 24 de novembro: Príncipe HORARIO 10.00 A 20.30 agardamos que vos acerquedes!

VIDEOFÓRUM "LA CAJA"

VIDEOFÓRUM "LA CAJA" Ángela Molina, Elvira Mínguez, Antonia San Juan, María Galiana e Manuel Manquiña Director: Juan Carlos Falcón Nun pobo mariñeiro de Canarias, o odiado don Lucio falece inesperadamente e a súa viúva non ten espazo na súa casa para velalo. A súa veciña Isabel será quen cargue co morto, e mentres a viúva esquece as súas penas, todos os veciños pasarán polo velorio para axustar as súas contas pendentes co defunto. Descanse en paz Don Lucio...se pode. XOVES 17 DE NOVEMBRO 18:00 . Organiza: Lugar: Centro de documentación feminista Biblioteca Pública Central – Joaquín Yáñez 6 – 2º Colabora: CENTRO DE DOCUMENTACIÓN E RECURSOS FEMINISTAS

XA TEMOS FACEBOOK!!!

http://www.facebook.com/event.php?eid=159207010845186&pending&context=create#!/profile.php?id=100003126410186&sk=wall

CONFERENCIA: "O SON DA TERRA"



"O SON DA TERRA"
UNHA MEDICIÑA VIBRANTE QUE AXUDA A TRANSITAR POLOS MOMENTOS DIFÍCILES.


Sabes que hai sons naturais capaces de mellorar o teu estado de ánimo?
Transformar pensamentos autodestrutivos, aportando vitalidade, transformar o teu medo, a túa soidade, mellorar o teu descanso, etc..?

Axúdanche a recuperar o poder sobre as túas emocións perxudiciais.

CONFERENCIA DE BALDE

LUNS 12 DE DECEMBRO DE 18 A 20H.
CENTRO CÍVICO CASCO VELLO Calle Oliva, 12 – Vigo

ORGANIZA: REDE DE MULLERES CONTRA OS MALOS TRATOS DE VIGO

Impartida por: Eva Julián Investigadora en Bioacústica aplicada ó benestar e Terapeuta Sonoro.
Especialista na creación e o deseño de ambientes sonoros terapéuticos e personalizados. Traballa para hospitais e centros especializados formando a profesionais na aplicación do son como ferramenta terapéutica.
www.sonidoyvida.com

CLAVES PARA DESENMASCARAR Ao NEOMACHISMO



Por Dori Fernández

1. Defenden a CUSTODIA COMPARTIDA IMPOSTA XUDICIALMENTE sen existir acordo entre a parella.

2. Defenden o uso do SINDROME DE ALIENACION PARENTAL (SAP) como proba para arrebatar a custodia á nai, cando tal síndrome non existe.

3. Defenden a derrogación da LEI ORGANICA DE MEDIDAS DE PROTECCIÓN INTEGRAL CONTRA A VIOLENCIA DE XÉNERO (LIVG) porque -din- discrimina aos homes, que son obxecto de falsas denuncias por malos tratos por parte das súas mulleres, cando os datos do CGPJ (ano 2010) apuntan que menos dun 1% das denuncias por malos tratos resultan ser falsas.

4. Defenden contra vento e marea ao XUÍZ FRANCISCO SERRANO, do xulgado de Familia nº 1 de Sevilla, coñecido polas súas opinións contrarias á LIVG e os seus constantes enfrontamentos co Observatorio contra a Violencia Doméstica e de Xénero do Consello Xeral do Poder Xudicial.

5. Defenden que OUTRO FEMINISMO É POSIBLE e cóanse con ese discurso nos partidos políticos, acampadas do 15M e demais espazos públicos.

6. Defenden que as mulleres feministas o que de verdade desexan é o exterminio total dos homes, por iso refírense a elas como FEMINAZIS.

7. Aliméntanse e coordinan en páxinas como estas:
Ministerio do equilibrio: http://www.ministeriodeequilibrio.com/
Outro feminismo é posible:
http://otrofeminismoesposible.blogspot.com/
Os meus rizos: http://misrizos.blogspot.com/

MANIFESTARANSE o próximo 13 de novembro en Madrid baixo a lema:'STOP FEMINAZIS'
A convocatoria fixérona en:http://www.gsmspain.com/foros/h1039686_off-topic-Politica_Manifestacion-antifeminazis-13-nov.html

Para saber máis sobre o SAP:
http://www.nodo50.org/mujeresred/spip.php?rubrique102
http://www.observatorioviolencia.org/upload_images/image/sindrome_aliena_parental(1).pdf
http://www.apmj.pt/index.php?option=com_content&view=article&ide=105:comentario-dá-dra-consolo-barea-payueta&catid=44:comentarios&Itemid=73

Para saber máis sobre Custodia Compartida Imposta:
http://www.mujeresycia.com/?x=nota/41323/1/argumentos-contra-a-custodia-compartida-imposta
http://contralacustodiacompartidaimpuesta.blogspot.com/

Para coñecer máis datos sobre denuncias por violencia de xénero:
http://www.poderjudicial.es/cgpj/es/temas/violencia_domestica_y_de_genero/actividad_del_observatorio?perfil=2
http://www.observatorioviolencia.org

E para saber o que SI É FEMINISMO:
http://www.ciudaddemujeres.com/
http://www.feministas.org/
http://www.redfeminista.org/
http://www.mujeresenred.net/
http://www.e-mulleres.net/...entre outros sitios

CAMPAÑA CONTRA A FALSA IGUALDADE


Desde o Movemento Grito en Silencio, instámosvos a ocupar a rede contra a FALSA IGUALDADE do 11 ao 15 de Novembro de 2011.

Non á FALSA IGUALDADE DE XÉNERO: porque temos un problema grave de VIOLENCIA MACHISTA, con 78 mulleres mortas en 2011

Que se saiba a verdade: 0,01% de denuncias falsas. UNHA PORCENTAXE RIDÍCULA E PARA NADA REPRESENTATIVA aínda que desde determinados colectivos estase a difundir o BULO de que practicamente todas as mulleres maltratadas denunciaron falsamente. Realizar unha denuncia por malos tratos é un paso moi duro para as mulleres e para nada un paso fácil de dar. Pero o único obxectivo destes colectivos é o de DIFAMAR ÁS MULLERES EN XERAL E ESPECIALMENTE ÁS MULLERES MALTRATADAS, PARA ASÍ DESVIAR A ATENCIÓN DO VERDADEIRO PROBLEMA: O MASACRE DE MULLERES A MANS DAS súas PARELLAS Ou EX-PARELLAS.

Non á custodia compartida IMPOSTA SEN ACORDO dos pais: porque está clinicamente demostrado que PERXUDICA gravemente ao desenvolvemento emocional dos menores.
INSEGURIDADE, ANSIEDADE, SENSACIÓN DE ABANDONO, DEPRESIÓN, SUFRIMENTO EMOCIONAL, TRASTORNOS DE SOÑO, FALTA DE APETITO, ALTERACIÓNS DO APEGO, ECCEMAS, AGRESIVIDADE, INCOMUNICACIÓN, PERDA DE CONFIANZA NOS ADULTOS, Etc.
Estes son os síntomas, entre outros, que padecen os nenos debido á IMPOSICIÓN da custodia compartida por vía xudicial. Todos os informes que tiveron como suxeitos de estudo a nenos que padecen ou padeceron esta medida, chegan a estes mesmos síntomas. É máis, nos propios estudos faise referencia ás bravas manipulación de datos que fan as asociacións de pais e faise fincapé en que aquelas informacións en favor da custodia compartida a pesar da conflitividade, están elaboradas por certos "profesionais" que non teñen experiencia á hora de tratar directamente a nenos/as que sofren ou sufriron esta forma de custodia.e A custodia compartida nada ten que ver co interese superior do menor, senón que está baseada na anteposición dos intereses patriarcais.

Non á aplicación da inexistente Síndrome de Alienación Parental: porque está a deixar a nenos e nenas sen nai para polos en mans de maltratadores e pederastas.
Moitas nais están a perder aos seus fillos, a favor do pai maltratador, abusador e/ó neglixente. Inclusive hai nenos/as recluídos en Centros de Menores, por rexeitar estar en compañía do pai. Nenos/as que tiñan unha vida plena e que non estaban en ningunha situación de risco de súpeto atópanse en "programas de desprogramación", privados durante meses da presenza DA súa NAI para "desprogramarse" dela e así pasar a mans dun pai Ao QUE TEÑEN MEDO. Foi o castigo por rexeitar a violencia do pai: o ser diagnosticados e tratados como enfermos mentais. Pero tristemente unha das principais estratexias do SAP consiste en privar de todo valor ao testemuño dos nenos: O seu MEDO E A súa ANGUSTIA NON IMPORTAN NADA.Sen ningunha base científica, xa que nin a Asociación de Psiquiatría de Estados Unidos, nin a Asociación Española de Neuropsiquiatría nin a Organización Mundial da Saúde conceden validez científica ao SAP, é a estratexia deseñada por psicólogos e xuristas, para defender a homes denunciados por ABUSAR SEXUALMENTE DOS seus FILLOS/AS , POR MALTRATAR Aos seus FILLOS/FILLAS E/Ou Ás NAIS DOS seus FILLOS/AS.



- Páxinas de Facebook:
https://www.facebook.com/profile.php?ide=100002954150384
https://www.facebook.com/pages/no-a-a-custodia-compartida-imposta/112834372101937
https://www.facebook.com/grito.ensilencio

- Twitter: NOCCI2010, custodiapositiv

- Blogs:
http://contralacustodiacompartidaimpuesta.blogspot.com/
http://custodiaenpositivo.blogspot.com/


Xa abonda de machismo. Xa abonda de campañas que só defenden intereses patriarcais. Xa abonda de manipulacións da realidade. Xa abonda de que se crean con dereito a esnaquizar a nosa vida e a dos nosos fillos e fillas. Xa abonda de FALSA IGUALDADE.

Fdo. Movemento Grito en Silencio (Asociación de Mulleres Progresistas de Málaga, Asociación Ve a Luz e Asociación Custodia en Positivo)

Premios Violeta Xuventudes Socialistas


A rede acaba de ser recoñecida, nos premios violeta das xuventudes socialistas, coa distinción ó seu compromiso social.

o resto das compañeiras galardoadas son:

Premio ó Compromiso Cultural: Documental Nagore. Helena Taberna (Lamia Producciones)
Premio ó Compromiso Internacional: Euroorden contra a violencia de xénero. Zita Gurmai e Britta Thomsen.

dende a nosa Asociación queremos agradervos que contarárades con nós, xa que así colaborades na visibilidade da violencia de xénero e polo tanto na súa prevención.

a entrada é libre, polo que vos deixamos a información do acto.


Grazas,

unha aperta.

data: 11 de novembro ás 20.00h
lugar: auditorio do mar de vigo


no acto realizaranse as seguintes proxeccións sobre violencia de xénero:

“Flores”
“La muñeca rota”
“Nagore”
“Vamos a acabar con la Violencia de Género en las parejas jóvenes”

o acto, amenizado por Elena Iturrieta e Jaime Zelada, finalizará cuns petiscos.

-----------------

*a foto desta entrada corresponde ós premios violeta 2010, celebrados en Mallorca.

PROXECTO RE-XENÉRATE

A Rede colabora coa Unidade de igualdade da Universidade de Vigo para impartir o proxecto RE-XENÉRATE, un proxecto que prosigue coa formación sobre xénero e violencia de xénero.

A Rede sigue fortalecendo con este proxecto as actividades de formación, xa que identificamos a educación como un dos pilares básicos para a consecución da igualdade.


Programa:

IMPARTIDAS POR CARMEN CLAVERÍA PRADA (psicóloga clínica):

2 de noviembre

16:00 a 18.30 hs.
- Interiorización de roles de xénero.

18.30 a 20 hs.
- Identidade persoal.

- Actividades: Sortearemos mitos e estereotipos cos que se construirán guións escritos que identifiquen: como son e como debo ser.

9 de noviembre

16:00 a 18.30 hs.
- Violencia de xénero.

18.30 a 20 hs.
- Proceso de retroalimentación do vínculo.

- Actividades: nunha tarefa lúdica interrelacionaremos os guións, para identificar os grados de vulnerabilidade cara o maltrato persoal e social.

16 de noviembre

16:00 a 18.30 hs.
- Detección e factores de risco na xuventude. Sinais de advertencia.

18.30 a 20:00 hs.
- Violencia de xénero: consecuencias na saúde e benestar das mozas.

- Actividades: dramatizacións de situacións de maltrato en parellas novas.

23 de noviembre

16:00 a 18.30 hs
- Prevención no ámbito interno persoal e nas relacións sociais.

18.30 a 20 hs
- Actividades: descubrir os recursos para reciclar os mandatos de xénero e para desenrolar o bo trato interno.
En grupos: proxectarán nunha elaboración escrita ou gráfica, integrando as vivencias experimentadas durante o proceso de concientización sobre a violencia de xénero.


28 de novembro

IMPARTIDAS POR ROSA FONTAÍÑA PAZOS (Coordinadora e voceira da Rede de Mulleres Veciñais Contra Os Malos Tratos de Vigo)):

16:00-17:00
- Recursos sociais: o movemento asociativo ante a violencia de xénero.
- Movilización e toma de conciencia da sociedade.


IMPARTIDAS POR RAQUEL DOVAL CARREGAL (Traballadora social da Rede de Mulleres Contra os Malos Tratos de Vigo :

17 :00 a 19:00: A IGUALDADE: CONTEXTO E SITUACIÓN ACTUAL
- Historia dos feminismos.
- O sistema patriarcal.
- Desigualdades vixentes.

19:00 a 20:00: IDENTIDADE DE XÉNERO
- Medios de socialización: a publicidade e a lingüaxe.
- O tratamento do noso corpo.

- Dinámicas de autocoñecemento sobre o aprendizaxe da identidade de xénero, coñecemento de mulleres importantes na historia, análise de textos a través do traballo grupal, análise da publicidade e proxeccións de vídeos .


30 de novembro

16:00 a 18:00:
- Realización dun videofórum e debate posterior

18:00-19:00:
- Análise da desigualdade a través da música.
- Avaliación grupal do obradoiro.

TEMPOS DIXITAL ENTREVISTA Á REDE


baixo o título "A SOCIEDADE PONLLE A MÁSCARA DA IGUALDADE Ó MACHISMO E Ó SEXISMO" o 24 de outubro Sara Torreiro da Revista Tempos Dixital entrevistou á coordinadora da Rede, Rosa Fontaíña Pazos.

podedes ler a entrevista completa na seguinte dirección:

http://temposdixital.com/td/sociedade/10/a-sociedade-ponlle-a-mascara-da-igualdade-o-machismo-e-o-sexismo/