Bono social térmico

Normativa
https://www.boe.es/diario_boe/txt.php?id=BOE-A-2017-11532
https://www.boe.es/diario_boe/txt.php?id=BOE-A-2018-13593

Obxecto
Créase o programa de concesión directa de axudas destinadas a paliar a pobreza enerxética en consumidores vulnerables, no que respecta a enerxía destinada a calefacción, auga quente sanitaria ou cociña, denominado Bono Social Térmico.
A axuda para conceder ten como finalidade compensar gastos necesarios para garantir a subministración de enerxía para usos térmicos ou o apoio a actuacións de aforro ou melloras da eficiencia enerxética aos consumidores vulnerables.

Compatibilidade con outras modalidades de axuda
Esta axuda é compatible coa percepción doutras subvencións, axudas, ingresos ou recursos para a mesma finalidade procedentes de calquera Administracións ou entes públicos ou privados, nacionais ou internacionais, das que puidesen beneficiarse os destinatarios da axuda. Así mesmo, será compatible coa percepción do Bono Social de Electricidade.

Beneficiarios
En cada exercicio serán beneficiarios do Bono Social Térmico aqueles consumidores que sexan beneficiarios do bono social de electricidade previsto no artigo 45 da Lei 24/2013, do 26 de decembro, do Sector Eléctrico, ao 31 de decembro do ano anterior.
Financiamento e criterios de distribución da axuda do Bono Social Térmico entre os beneficiarios
O outorgamento de axudas en concepto de Bono Social Térmico estará condicionado á existencia de dispoñibilidade orzamentaria e, en todo caso, suxeita ao límite fixado en cada ano na Lei de Orzamentos Xerais do Estado para este concepto.
A cantidade consignada na partida orzamentaria con cargo á que se financie o Bono Social Térmico en cada exercicio orzamentario distribuirase, entre todos os beneficiarios do bono social de electricidade mediante a concesión dun pago único anual.
A contía para percibir por cada beneficiario determinarase atendendo ao seu grao de vulnerabilidade segundo se defina na normativa reguladora do bono social eléctrico, así como á zona climática na que se localice a vivenda na que se atope empadroado, todo iso en aplicación da metodoloxía contemplada no anexo I do presente real decreto-lei.
A xestión e o pagamento das axudas corresponderá ás Comunidades Autónomas, que o efectuarán durante o primeiro trimestre do ano, garantindo en todo caso a posibilidade de renuncia á axuda por parte dos beneficiarios que así o soliciten.



Dende a Rede de Mulleres denunciamos calquera tipo de violencia contra as mulleres. O patriarcado e a violencia están en todos os estamentos e clases sociais, incluída a clase política. Ante os comentarios misóxinos do Alcalde de Vilanova, Gonzalo Durán, queremos apoiar a concentración que terá lugar este mércores 10 de outubro ás 20h. Agardámosvos!

CONCENTRACIÓN DIANTE DO MARCO



Sen tempo apenas para recuperarnos do horror polos asasinatos de dúas mulleres e dúas crianzas en apenas nove horas o pasado martes, hoxe, a violencia machista acabou coa vida doutra muller en Málaga.

É o tráxico balance dunha semana negra que deixa un cómputo xeral de 78 vítimas mortais, 68 mulleres e 10 menores no que levamos de ano, máis de mil asasinatos desde que en 2003 se empezaron a contabilizar as vítimas da violencia de xénero, aínda que sabemos que estes datos non representan a totalidade de mulleres e crianzas que viron truncadas as súas vidas por culpa destes energúmenos.

Estamos fartas! Cansas de repetir ata a saciedade que un maltratador non é un bo pai: 10 menores mortos este ano a mans dos seus pais co único obxectivo de danar á nai...
Ata cando se vai permitir que continúen estas atrocidades sen que ninguén se faga responsable? Canto máis temos que esperar ata que se fagan efectivas as medidas acordadas no Pacto de Estado? Non hai escusa posible que xustifique a pasividade que as institucións políticas e gobernamentais están demostrando ante esta barbarie.

Xornadas "A autoorganización como resposta á violencia de xénero"



















INFORMACIÓN DOS COLECTIVOS PARTICIPANTES

- ASOCIACIÓN ARELAS: Asociación de Familias de Menores Trans de Galicia.
Asociación formada por familias de menores e adolescentes transexuais. Entenden que as crianzas xa dende ben pequenas observan, que por encima de todo, as equivocadas son elas e que polo tanto deben axustarse ao que a sociedade entende por “normal”. Dende a asociación de familias de menores trans*, traballan e promoven a defensa dos seus dereitos en todos os ámbitos da vida: educativo, sanitario, xudicial, cultural, deportivo e social.


- COLECTIVO ESCULCA: Observatorio para a defensa dos dereitos e liberdades.  
EsCULcA é un Observatorio de ámbito galego que traballa na defensa dos dereitos e liberdades públicas garantidos na Constitución e nos Tratados Internacionais. Consideran que unha das tarefas urxentes que debe abordar a sociedade civil é a restauración inmediata das garantías eliminadas nos últimos anos e a adopción de cantas medidas foran precisas para garantir o exercicio de dereitos básicos como os de expresión, reunión e manifestación, o dereito a non ser obxecto de tortura, o dereito a asilo, o dereito á saúde ou o dereito a un tratamento adecuado das persoas menores de idade con responsabilidades penais.
  
- ASOCIACIÓN FARAXA.
FARAXA é unha organización non gobernamental sen ánimo de lucro, de acción social e independente (sen adscrición a ningunha formación política, relixiosa, grupo financeiro ou mediático, etc.). Está especializada no traballo con persoas en prostitución e vítimas de trata sexual.
  


-  CURUXA FEMINISTA. 
Colectivo feminista non mixto de estudantes galegas.

Nace ante a necesidade de combater o sistema patriarcal dende a organización autónoma das mulleres, dende a cal enfrontarse colectivamente ás problemáticas derivadas deste. Queren socializar o feminismo nos centros de ensino tanto a nivel teórico como práctico, espallando a sororidade e o apoio mutuo entre compañeiras.


XORNALISTAS GALEGAS.
Rede creada para aplicar a perspectiva de xénero ao xornalismo. Este movemento está formado por unhas duascentas profesionais de diferentes medios e distintas profesións que se uniron a raíz do 8M no grupo As Xornalistas Paramos.


- AFROGALEGAS.

O colectivo Afrogalegas foi impulsado por un grupo de mulleres galegas afrodescendentes, cansas de soportar os microracismos cotiás. Entenden a afrodescendencia coma un termo que engloba diferentes enfoques ou identidades que teñen a súa orixe común na tradición africana e nas herdanzas ou ascendencia que cada unha recibimos das nosas antepasadas.


OBRADOIROS

1.- “DESCUBRINDO O PODER DA RISA”. BAIA FERNÁNDEZ DE LA TORRE. 

Nos tempos que vivimos cada vez son máis as persoas que padecen enfermidades relacionadas co estrés, por iso considérase moi importante coñecer ferramentas que nos axuden a contrarrestar os seus efectos ou incluso os fagan desaparecer. Recuperar a alegría de vivir e beneficiarnos do impacto que isto ten sobre a nosa saúde e calidade de vida.



2.—“MULLERES NAS FRONTEIRAS”. “RAIAS TRAVESEIRAS”. EVA GIL E MARI FIDALGO.

As fronteiras son na actualidade un espazo máis de violencia contra as mulleres e outras identidades nas marxes, alén dun negocio suculento para grandes empresas.

Reflexionaremos sobre o que sucede nos espazos fronteirizos, tanto exteriores e interiores, e reflexionar sobre as relacións entre feminismos e migracións. O noso obxectivo é contribuir a fortalecer os nosos discursos e prácticas para derrubar todo tipo de fronteiras e dar pasos para a construción de alianzas sólidas. Porque os feminismos teñen que ser transfronteirizos e anti-racistas ou non serán!

Impartido por Raias Traveseiras, espazo aberto, flexible e horizontal de denuncia das políticas capitalistas, migratorias e patriarcais e de construción colectiva de discursos e prácticas para acadar vidas que merezan a alegría vivir. Actúan en base a tres vectores: sensibilización e denuncia, formación e xeración de pensamento crítico, e impulso de iniciativas de transformación social. Na actualidade está integrado por Mari Fidalgo, Eva Gil e Leticia Castro.



3.- “AUTORAS DAS NOSAS IMAXES”. NATALIA GONZÁLEZ DEVESA.

Traballaremos en como construír a nosa identidade desde nós mesmas como mulleres na sociedade, combatendo as desigualdades de xénero desde a fotografía.


Coñeceremos:

• o traballo de mulleres fotógrafas ao longo da historia e na actualidade.

• analizarase a publicidade sexista de diferentes medios tanto locais como mundiais.

• traballarase sobre os estereotipos masculinos e femininos.

• uso do photoshop para perpetuar as desigualdades de xénero.



Curso de intelixencia emocional


OBXECTIVOS

- Favorecer o intercambio de experiencias entre as persoas participantes
creando espazos de encontro.
- Aprender a importancia das emocións positivas e da xestión das emocións.
- Fomentar unha actitude positiva ante a vida e potenciar a autoestima.
- Mellorar as relacións coas demais persoas e aprender a valorarse máis.
- Sensibilizar acerca da igualdade de oportunidades entre mulleres e homes.


Encontro Nacional de Mulleres


A Asociación Rede de Mulleres contra os malos tratos de Vigo , estamos organizando unha xornada que se celebrará na Residencia de Tempo Libre de Panxón (Nigrán) durante os días 14, 15 e 16 de setembro de 2018.
Dende hai anos vimos realizando xornadas que nos dan a posibilidade de manternos en contacto co resto de organizacións de mulleres de toda Galicia, fortalecernos e abrir novos camiños de colaboración, tan necesarios neste momento.

Programa VIII Encontro Nacional de Mulleres

Panxón 14/15/16 de setembro 2018
Venres 14 de setembro:
o   Chegada a Residencia de Panxón ás 16h.
o   17.30h. Presentación das actividades e inauguración a cargo de Dona Susana López Abella, Secretaría Xeral de Igualdade da Xunta de Galicia, acompañada de Dona Marta Iglesias Pombo, Xefa Territorial de Política Social da Xunta de Galicia, en Vigo.
o   Actividades lúdicas relacionadas coas xornadas, coa finalidade de crear un clima de coñecemento e confianza entre as persoas asistentes.

Sábado 15 de setembro:
10:00-10:15: Presentación das xornadas:
10:15-11:15: Lola Ferreiro Díaz
(Médica feminista galega)
 “Cómo se exerce a violencia na actualidade? Unha análise da situación real”.
11:15-11:45: Debate

11:45-12:00: Descanso/Café

12.00-13:00: Rosa Arcos Caamaño
(Presidenta da Federación de Asociacións de Mulleres Rurais - Fademur Galicia)
 “A violencia invisibilizada no rural”.
13.00-13.30 – Debate.

16:15 – Distribución dos obradoiros.

16.30 – 19.30 - Obradoiros:

1. Arogalegas: “Discriminación por raza no movemento feminista”

Aínda que é certo que o feminismo xurdiu como un movemento común de loita pola liberación das mulleres e tamén das persoas negras, este seguiu posteriormente un desenvolvemento que tivo como protagonistas ás mulleres brancas, máis especificamente, ás mulleres brancas de clase media. O abolicionismo e o sufraxismo son, desde moi pronto, movementos que tenden frecuentemente ao desencontro, pois as mulleres negras senten como a palabra “xénero” se observa desde unha perspectiva excluínte desde o feminismo, obviando as diferenzas entre as propias mulleres, sentíndose excluídas e marxinadas. Ten como obxectivo analizar e discutir coas participantes temas de raza, xénero, diversidade, e interculturalidade dentro do movemento feminista branco. O obradoiro realizará unha pequena introdución ao feminismo negro e traballará sobre a posibilidade de construír alianzas non excluíntes dentro dos feminismos.

2. Tareixa Ledo Regal: “Como negociar na parella…e no resto das relacións...”
Cando sinto que se meten no meu espazo, cando me sinto invadida, cando algo me fai sentir mal é que eu non o negociei. Axuda falar claro sobre que quero eu e que queres ti… porque se non acordamos, “contratamos” cousas diferentes ou negociamos en falso para que non haxa conflito…Que é o que queremos compartir? Que é o que non queremos compartir? Se isto está claro, non hai conflito. Imos ver ferramentas para aprender a negociar e contratar con claridade coa parella ou con calquera outra persoa da nosa vida (nai/pai, filla/o, amigas/os...).

3. Iria Cacheiro Paradelo: “Danza libre e conciencia corporal”
Coa danza libre buscamos a conexión co noso propio corpo e as nosas emocións a través do movemento. O traballo vaise guiando con pautas de improvisación, para ir entrando en contacto co noso universo emocional dándolle unha saída expresiva.
Danzamos dende un total respeto ó noso corpo, buscando conectar coas súas necesidades. Partimos do movemento orgánico e natural, pasando por soltar o corpo  nunha danza de liberación e chegamos ó noso propio movemento conectadas con nos mesmas, nun proceso creativo no que cada unha crea a su propia danza, a que necesita nese momento.
20.30– Peche das xornadas.

Domingo 16 de setembro:
Visita guiada para coñecer o castro de Santa Tegra e o seu entorno (Museo arqueolóxico, etc.) no Concello de A Guarda. Xantaremos de novo na Residencia de Tempo Libre de Panxón e daremos por rematado o encontro.


Agardamos contar con todas vós, xa que crear lazos de sororidade é fundamental neste momento no que os dereitos fundamentais, conseguidos ata o de agora, penden dun fío ante as medidas sociais que se están a levar a cabo. Debemos seguir o camiño cara unha sociedade en igualdade, poñendo en valor todo o esforzo e o traballo feito polos movementos sociais ata o de agora e participando en espazos coma este encontro, no que poderemos crear novas formas de participación entre todas e novas estratexias contra a violencia de xénero.

O custo da inscrición é de 10 euros a abonar no momento de anotarse.

As mulleres ou organizacións que participen de Vigo e a súa contorna, deben inscribirse nas oficinas da Rede, salvo xustificación de non poderen acudir.
As mulleres ou organizacións de fóra poden solicitar á Rede o número de conta da Asociación para facer o ingreso.
O horario de solicitudes é de 10h. a 13, 30h. e de 17, 30h. a 20,30h. de luns a venres (o venres só en horario de mañá).
Os teléfonos de contacto, para máis información,  986 222 328 / 670 45 34 31, no correo, redemediadorasvigo@hotmail.com ou consultando o blog rededemulleres.blogspot.com. As prazas son limitadas, recolleranse solicitudes ata completar aforo.

Novo Obradoiro de Autoestima

O vindeiro día 13 de agosto comezamos un novo obradoiro de autoestima con perspectiva de xénero na Rede de Mulleres contra os Malos Tratos de Vigo. Será os luns e os mércores na Oficina Municipal de Distrito do Casco Vello.

Detido en Sevilla por encerrar baixo chave á súa nai e á súa irmá

https://www.farodevigo.es/sucesos/2018/06/29/detenido-sevilla-encerrar-llave-madre/1919718.html

Detido un monitor acusado de abusar de máis de dez nenos en Valladolid

https://www.farodevigo.es/sucesos/2018/06/28/detenido-monitor-acusado-abusar-diez/1919419.html

O asasinato dun home e unha nena de tres anos pon en alerta a un barrio acomodado de Cidade de México

https://elpais.com/internacional/2018/06/28/mexico/1530218509_714756.html

O xulgado arquiva, por segunda vez, a causa xudicial pola desaparición de Sonia Iglesias

https://www.farodevigo.es/portada-pontevedra/2018/06/29/juzgado-archiva-segunda-vez-causa/1919973.html

Detido un home de 19 anos por abusos sexuais a unha menor de 13 anos

https://www.farodevigo.es/sucesos/2018/06/29/desmantela-grupo-criminal-responsable-medio/1920091.html

Desaparecida unha peregrina austriaca nun tramo galego do Camiño de Santiago


https://www.farodevigo.es/sucesos/2018/06/29/desaparecida-peregrina-austriaca-tramo-gallego/1920040.html

Feminicido en O Porriño


Dende a Asociación Rede de Mulleres contra o malos tratos de Vigo, queremos denunciar unha vez maís o asasinato acontecido onte en O Porriño. A violencia machista non vai a parar ata que non se poñan en marcha as medidas efectivas oportunas para rematar con ela.

https://www.farodevigo.es/sucesos/2018/06/19/crimen-machista-porrino--asesino/1913864.html

ESGOTADAS AS PRAZAS!!!

As prazas para a visita guiada a Illa de San Simón do programa "En Ruta coa Depo" xa están todas esgotadas.

Abrindo Novos Camiños contra a Violencia de Xénero



ABRINDO NOVOS CAMIÑOS CONTRA A VIOLENCIA DE XÉNERO

Reflexións sobre as distintas formas de violencia de xénero, debate entre os colectivos que traballan no eido da igualdade sobre metodoloxías empregadas, liñas transversais das intervencións e temas fundamentais de cara o futuro. Queremos fomentar o coñecemento mutuo e o traballo conxunto das organizacións con obxectivos comúns de cara a acadar a igualdade real entre mulleres e homes e minimizar os efectos da violencia.

PROGRAMA


XOVES 7 DE XUÑO DE 2018:

·         10:00-13:00 -  MESA REDONDA: Diferentes intervencións ante a violencia de xénero:

“Violencia contra as mulleres con discapacidade: ver e recoñecer os sinais”

-       Ainhoa López González: Traballadora social na Asociación de mulleres con                                                                                         discapacidade de Galicia, ACADAR.

Graduada en Traballo social pola Universidade de Santiago de Compostela e con Máster en cooperación ao desenvolvemento, Xestión públiva e das ONGD´S. Traballa como técnica na Asociación de mulleres con discapacidade de Galicia, ACADAR. Realizou formación complementaria básica en materias de dereito internacional, habilidades de comunicación, saúde e voluntariado.

A ponencia centrarase no caderno artístico e didáctico “Violencia contra as mulleres con discapacidade: ver e recoñecer os sinais”. Editado por ACADAR no ano 2015, esta guía é pioneira ao ofrecer material que permite coñecer, detectar e abordar distintas situación de vulnerabilidade que viven as mulleres con discapacidade, guiándoas cara ao empoderamento. Esta guía editouse coa finalidade de ser un recurso que permitirá as persoas profesionais e a sociedade en xeral, recoñecer as diferentes situacións e tipos de violencia nas que se poden atopar as mulleres.

“O ocio como intervención en violencia de xénero”

-        Tania MerelasEducadora social, formadora especializada en igualdade de xénero                                                         e violencias machistas.

É doutora en Ciencias da Educación e experta en Xénero e Políticas Públicas de Igualdade. Posúe experiencia docente en formación profesional na familia de servizos á comunidade e é integrante do grupo Fiadeiras –especializado en igualdade de xénero– do Colexio de Educadoras e Educadores Sociais de Galicia.
Partindo do traballo recollido no libro "Comezar desde cero: voces de mulleres recuperando as súas vidas", realiza unha aproximación aos procesos de recuperacións das mulleres en situación de violencia machista no contexto de parella, poñendo o foco de atención dos tempos propios e de lecer como escenarios de resistencia e transformación persoal. Achegarémonos ao lecer como dimensión humana relacionada co benestar e coa calidade de vida, recoñecéndoo como un dereito fundamental.

 “Islamofobia

-       Mina ShayanInvestigadora de xénero na Universidade de Vigo.

Investigadora de xénero na Universidade de Vigo. Licenciada en Filoloxía Hispánica, profesora de lingua e cultura persa e posgrado en estudos de xénero.  Mina Shayan naceu en Tabriz (Irán), unha zona montañosa pegada ao Mar Caspio onde a lingua materna é o azerí. É licenciada en Filoloxía Hispánica pola Universidade Azad de Teherán e, ademais de persa e español, domina o árabe, o inglés e o turco. Chegou a Vigo en 2008 para especializarse en temas de xénero e, sen dubidalo, aprendeu pronto o galego.
A ponencia tratará sobre o sentimiento de hostilidade cara ó islam e, por extensión, cara ós musulmáns, tratado dende unha perspectiva de xénero.


·         17.00 – 20.30 - PONENCIAS:

Mozas que rompen coa relación violenta: puntos fortes”.

Ana Sieiro MoralLicenciada en Psicoloxía. Experta en malos tratos e violencia de                                                                xénero.

Licenciada en Bioloxía e en Psicoloxía. Educadora social. Diplomada en traumaterapia infantil sistémica polo Instituto Exil de Barcelona. Experta en malos tratos e violencia de xénero. 25 anos traballando en temas relacionados coa infancia e mocidade en situación de risco en distintas entidades relacionadas coa protección á infancia en toda Galicia. Terapeuta acreditada para o Programa de Atención a Persoas Vítimas de Violencia de Xénero e tamén para o programa Abramos o círculo dende o ano 2012. Directora de Achega, centro de psicoloxía e logopedia.
A ponencia tratará sobre o rol que asumen as mozas para sair das relacións violentas e seguir adiante.

 “Masculinidades tóxicas e a súa relación coa violencia de xénero”

- Roberto Sanz Martín. Psicólogo, sexólogo e coordinador de formación                                                                                             en SEXPOL

Psicólogo e Máster en Sexología pola Fundación SEXPOL. Máster en Psicoloxía e Xestión Familiar. Técnico Superior en Igualdade de Xénero. Membro fundador de AHIGE Madrid. Terapeuta, docente e Coordinador de formación en SEXPOL.
A ponencia tratará sobre a masculinidad tradicional, a única ata agora, esta centrada no poder, como ferramenta e como obxectivo. Gran parte dese poder susténtase na súa propia existencia, grazas ao patriarcado, pero exércese de moitas formas diferentes, visibles e invisibles, visibilizadas e invisibilizadas. en cuestión de relacións sentimentais ou de parella, case a gran maioría de características, actitudes, formas, ferramentas e estruturas propias desta masculinidad xeran e manteñen relacións asimétricas, de poder, tóxicas. isto configura a estrutura onde montar toda violencia de xénero.

"Se non queres que che baixen os pantalóns, non te fagas modelo!"

As polémicas declaracións do deseñador Karl Lagerfeld que calificou ás modelos de "estúpidas", "tóxicas" e "criaturas sórdidas", e apuntaba sobre o movemento #MeToo que "O que máis me impacta de todo isto son as estrelas que tardaron 20 anos en lembrar o que sucedeu. Por non mencionar o feito de que non hai testemuñas de cargo" supón de novo a culpabilización das mulleres en actos sexistas. Desvalorizar unha vez máis tanto o corpo das mulleres e a súa libre elección de mostrar o que queiran así como de xulgar as agresións sufridas en diversas ocasións e que marcaron a industria da moda e o cinema.
https://www.infobae.com/america/entretenimiento/2018/04/19/karl-lagerfeld-si-no-quieres-que-te-bajen-los-pantalones-no-te-hagas-modelo/

Nova Páxina de Facebook

Presentámosvos a nova páxina de Facebook onde compartiremos a info e todas as nosas actividades.
Pinchando no enlace e despois dándolle a "Me gusta" xa estamos unidas para compartir a información e as nosas actividades.

https://www.facebook.com/Rede-de-Mulleres-Veci%C3%B1as-Contra-os-Malos-Tratos-de-Vigo-162848901086321/

XX Xornadas de Formación en Violencia de Xénero


Informamos que xa está aberto o prazo de inscrición para as XX Xornadas de Formación en Violencia de Xénero que vimos impartindo tódos os anos. Adicado a coñercer a labor que realizan as/os diferentes profesionais que atenden ás mulleres que sufren a violencia de xénero.

Impartirase a formación en dous ciclos, o primeiro ciclo os días 3, 4 e 5 de Abril e o segundo ciclo os días 10, 11, 12 e 13 de Abril para os acompañamentos nos casos de violencia de xénero.

Máis info nos teléfonos: 986 222 328 e 670 453 431.