As familias cunha renda pér cápita igual ou
inferior a 7.500 euros anuais terán unha exención total de cota a partir do
segundo fillo que acuda á mesma escola infantil da Rede Galiña Azul da Xunta a
partir deste mes de setembro. Para que esta iniciativa, da Consellería de
Traballo e Benestar, poida poñerse en marcha, o Consello da Xunta vén de
aprobar hoxe a modificación do Decreto 49/2012, do 19 de xaneiro, polo que se aproba
o réxime de prezos das escolas infantís 0-3 dependentes da Xunta. Así mesmo, os
menores con medidas administrativas de tutela ou garda en situación de
acollemento familiar poderán beneficiarse tamén desta actuación na exención do
pagamento.
Asociación sen ánimo de lucro para a atención, apoio e acompañamento ás mulleres no proceso de ruptura cos malos tratos, así como traballar pola igualdade entre as persoas.
