Balnearios Provincia Pontevedra

Programa diúrno de balnearios na provincia de Pontevedra

Normativa:

Bases para participar no programa diúrno de carácter lúdico de balnearios.(BOP nº 108 do 6/06/2012)

Obxecto:

Proporcionar ás persoas a partir de 50 anos, pensionistas, ou con necesidades de respiro familiar, pensionistas, ou con necesidades de respiro familiar, unha serie de actividades encamiñadas a mellorar a súa calidade de vida, ofrecéndolles a oportunidade de ocupar o seu tempo de lecer, a uns prezos reducidos.

Características do programa:

O Programa consiste en pasar cinco tardes seguidas (de luns a venres) nos Balnearios, Talasos e Spas da provincia de Pontevedra. Este levarase a cabo nunha soa campaña e as saídas realizaranse ao longo de todo o ano, agás no mes de agosto.

Cada semana de ámbolas dúas campañas sairá un autobús con cartel identificativo que recollerá ás persoas beneficiarias e os trasladará aos balnearios elixidos, onde permanecerán por unha media de dúas horas.

O/A guía repartirá repartirá o primeiro día un bono de viaxe coa data e hora de recollida, e indicará a cota a pagar por cada participante.

Persoas beneficiarias requisitos:

1. Persoas a partir de 50 anos.
2. Pensionistas.
3. Aquelas persoas que mediante un informe da/do Traballador/a Social do Concello se estime conveniente, entendéndose como unha situación de respiro familiar.

E requisito indispensable non padecer ningunha enfermidade ou patoloxía incompatible coa actividade do programa, así como estar en condicións de total autonomía para participar nel.

Financiamento:

A Deputación achegará por cada praza 35 €, o Concello 10 € e o/a usuario/a achegará unha cantidade que dependerá dos prezos ofertados pola empresa adxudicataria da organización do programa, sendo o prezo máximo de 140 €/persoa (ive incluido)). No caso de que o Concello non se adhira ao programa, a persoa participante terá que custear a parte proporcional da subvención do mesmo.

Documentación:

Para a adhesión ao programa dos concellos:

·         Solicitude asinada polo/s solicitantes, acompañado do DNI.

·         Certificado de do acordo de adhesión ao Programa, para unha ou as dúas campañas, facendo constar o nº de prazas que o concello está disposto a subvencionar en cada campaña.

·         Listaxes nominais dos/das persoas participantes, por orde de puntuación de maior a menor.

Para as persoas interesadas cuxos concellos non se adhiran ao programa:

·         Solicitude

·         Fotocopia de DNI.

Selección de solicitudes dos concello adheridos

Nos concellos adheridos, cando as prazas subvencionadas fosen inferiores ás demandas, realizarase a selección desde os Servizos Sociais municipais, dando preferencia primeiramente ás persoas que non participaron no ano anterior, e de seguido ás persoas de maior idade ou con necesidades de respiro familiar. No caso de solicitudes de cónxuxe ou parella, os expedientes baremaranse establecendo a media aritmética das súas idades.

Lugar de presentación:

Deputación Provincial de Pontevedra

Prazo de presentación:

Tanto para os concellos adheridos como para as persoas que solicitan de forma independente será de 20 días hábiles a partir do día seguinte á publicación no BOP. Ata o 29 de xuño de 2012.